പെരുന്നാള്‍ !

എല്ലാം സഹിയ്ക്കും നാള്‍ 

എല്ലാം ത്യജിയ്ക്കും നാള്‍

എല്ലാം പൊറുക്കും നാള്‍ 

എല്ലാം മറക്കും നാള്‍ 

ഇത് പെരുന്നാള്‍ !

ഫണം!

പണമില്ലാതെ ജീവിച്ചാലും
'പണയപ്പെടുത്തി' ജീവിയ്ക്കരുത്..
പണയത്തിനുമേല്‍ പരുന്തു
വട്ടമിട്ടു പറക്കും..
നമ്മെ റാഞ്ചിക്കൊണ്ടു പോകയും ചെയ്യും..!
വൈകുന്തോറും പണയം ഫണമാകും;
തിരിഞ്ഞുകൊത്തും ;
വരിഞ്ഞുമുറുക്കും !
(പണയ വ്യാപാര സ്ഥാപനങ്ങള്‍ പൊറുക്കുക )

ഇന്ന് ഞാന്‍ നാളെ നീ 

ഇവിടെ-

കൊല്ലാന്‍ നിര്‍ത്തിയെന്നെ..

ഞാനുടന്‍-

എല്ലാം നിര്‍ത്തി പൊന്നേ..

നാളെ-

എല്ലാം നിരത്തും പിന്നെ..

അതുവരെ-

കല്ലായി നിര്‍ത്തുക എന്നെ..!

ഇന്റര്‍നെറ്റ് !

ഭൂമി കയ്യേറിയാല്‍ ജേസീബി 

ബ്ലോഗ്‌ കയ്യേറിയാല്‍ വണ്‍ ജി ബി ! 

ജോലി !

കൂട്ടിക്കൊടുത്താണ് 

ജീവിക്കുന്നതെന്ന് സമൂഹം!

കണക്കപ്പിള്ളയായതില്‍

അയാള്‍ സ്വയം ശപിച്ചു !  

മറവി 

വൃത്തത്തിനുള്ളില്‍ നിന്നെന്‍ 

കവിതയ്ക്ക് പിറവി !

ആ വൃത്തമൊരു 

വട്ടപ്പൂജ്യമെന്നത് 

കവിയുടെ മറവി !

K.s. Noushad 11:37am Aug 18 വാതില്‍ ! പലര്‍ ഉരുമ്മിയ പെണ്ണും ചിലര്‍ ഉരുമ്മിയ പലകയും പിന്നീട് - മലര്‍ക്കെ തുറക്കുന്ന വാതിലാകും !

എ പ്ലസ് 

നാലു കാലുള്ള 

തവളയെ കീറി ,

രണ്ടു കാലുള്ള 

നിങ്ങളെ കൊല്ലുവാന്‍..

ജീവശാസ്ത്രത്തിന്‍റെ 

പരീക്ഷയെഴുതി ഞാന്‍-

ബയോളജിക്കെനിക്ക് 

എ പ്ലസ് !

മലയാളം 

മലയോളമെഴുതരുത് മലയാളം

കലയോടെയെഴുതണം മലയാളം!

ഇഷ്ടാനിഷ്ടം !

എനിക്കിഷ്ടമില്ലാത്തവര്‍ ധാരാളമുണ്ട്..

അതിലൊരാള്‍ ഞാനാണ്..!

എനിക്കിഷ്ടമുള്ളവര്‍ ധാരാളമുണ്ട്..

അതിലൊരാള്‍ ഞാനല്ല;നീയാണ്..!

പങ്ക്!

ഞങ്ങള്‍ സ്വപ്‌നങ്ങള്‍ 

പങ്കുവയ്ക്കുകയായിരുന്നു..

ദു:സ്വപ്‌നങ്ങള്‍ മുഴുവന്‍ 

എനിയ്ക്കു തന്നിട്ട് 

മധുരസ്വപ്നങ്ങളുമായി

അവള്‍ പോയി..! 

ചെറിയൊരു സത്യം!

കാമമാണച്ഛന്‍

കാമമാണമ്മ

കാമത്തെ കൊന്നിരുന്നെങ്കില്‍ 

നാമിന്നു കാണില്ലായിരുന്നു.! 

പഴയൊരു ഓര്‍മ്മച്ചിത്രം! മലയാളത്തിന്റെ എക്കാലത്തെയും അതുല്യപ്രതിഭാ ശാലികളോടോത്ത്..മുരളിയേട്ടന് ഹൃദാഞ്ജലി...